CAGAYAN DE ORO CITY – Gibalik sa curfew hours nga alas 9:00 sa gabii hangtod alas 5:00 sa buntag ang istratehiya sa city govt aron mahipos ang pipila ka residente nga hilig manggawas bisan walay importanteng katuyuan dinhi sa dakbayan.
Kini human naghinobra na ang kapuno ang mga ospital sa dakbayan gumikan sa taas nga positibong kaso sa syudad.
Miingon si City Mayor Oscar Moreno nga istritko nga gimando niini sa kapolisan ang pagdakop ug pagkaso sa mga establisemiento ug mga indibidwal nga makasupak sa maong kamanduan.
Gihimo sa mayor ang curfew hours adjustment epekto sa wala na’y hunong nga pagsaka sa kaso sa bayrus sukad Marso hangtod ning adlawa.
Samtang gikalipay ni Oro Chamber spokesperson Atty. Antonio Soriano ang paglugway sa oras sa curfew 9pm hangtud 5 sa buntag sa syudad.
Gibutyag ni Soriano nga maayo kini nga lakang sa LGU ilabina nga padayon ang pagsaka sa kaso sa COVID-19 sa dakbayan. Giawhag pa ni Soriano ang katawhan nga suportahan ang pagpaningkamot sa syudad pagpukan sa coronavirus.
Samtang gitin-aw ni City Administrator Teddy Sabugaa nga wala pa gikinahanglan pagbalik ang paggamit sa brgy exit pass niining pagpataas sa curfew hours sa syudad.
Gibutyag ni Sabugaa nga kinahanglang mokooperar ang katawhan sa pagpatuman sa taas nga curfew hours aron dili na moabot sa labihan ka hugot sa quarantine level.
Giklaro usab niini nga hugot nang gidili ang pagbaligya sa ilimnong makahubog sa maong mga oras.
