CAGAYAN DE ORO CITY-Gi-aktibo na City Mayor Oscar Moreno pinaagi sa CDRRMD ang incident management team o IMT aron magtutok sa hugot nga seguridad nga ipatuman sa dakbayan.
Kini alayon sa pagdagsa sa libuang katawhan nga mohimo’g pagduaw sa lubnganan sa mahal sa kinanabuhi sa adlaw sa mga santos ug kalag.
Gibutyag ni CDRRMD head Allan Porcadilla nga makatutok usab ang emergency operation center o EOC diin mismo si Moreno ang mangunay sa pag-monitor niini.
Una nang gipasalig ni Porcadilla nga andam na ang PNP ug AFP ingon man force multipliers paghatag seguridad sa publiko sugod ning adlawa hangtod sa Sabado.
Samtang gihangyo ni PDRMMO head Fernando Dy Jr ang tanang local govt units nga makig-koordinar sa probinsya alang sa hiniusang pagtukaw sa adlaw sa mga santos ug kalag.
Kini sa tumong nga mausa ang pagtunol sa hugot nga seguridad alang sa katawhan nga mohimo’g obserbasyon sa maong mga kasaulugan ugmang adlawa.
Gihimo ni Dy ang apelar nunot sa gipatawag ni Gov Bambi Emano nga katiguman sa PNP ug AFP diin sila naghisgot sa security preparations sa katawhan nga moduaw sa nagkadaiyang sam-ang sa lalawigan ning semanaha.
