CAGAYAN DE ORO CITY – Napun-an sa 12 ka bag-ong kaso sa COVID-19 ang dakbayan ning adlawa.
Gibutyag ni City Health Office epidemioliogist Dr Joselito Retuya nga gilangkuban kini sa local transmission ug returning OFWs.
Miingon si Retuya nga sa 439 ka kaso sa syudad,anaa lamang sa 154 ang aktibong kaso samtang mitala na usab sa 273 ka mga pasyente nga nangaulian.
Dugang ni Retuya nga may gitakda na usab sila nga ipaubos sa local lockdown sa pipila ka brgy diin nagsumikad ang bag-ong kaso sa local transmission.
Gani,may dugang duha ka porsyon sa Brgy Lapasan ug Macabalan ang gipaubos sa lockdown tungod sa local transmission sa bayrus.
