CAGAYAN DE ORO CITY – Misaka pa sa 497 ang kaso sa coronavirus disease ang kaso dinhi sa dakbayan.
Kini human kompirmaha ni City Health Office head Dra Lorraine Nery ang dugang 14 ka bag-ong kaso sa maong bayrus kagahapong apan sulod ning adlawa nila gi-anunsyo sa publiko.
Gibutyag ni Nery nga sa maong 14 ka kaso,usa na usab niini ka pasyente ang namatay gumikan sa bayrus.
Mitala na usab sa 292 ka pasyente ang nangaulian tungod sa dugang 13 ang naka-rekober batok sa COVID-19.
Samtang midugang sa puwersa ang Dept of Health 10 aron moabag sa local health workers nga nakigbatok sa coronavirus disease sa nagkadaiyang bahin sa rehiyon.
Gibutyag ni DoH 10 regional director Dr Adriano Suba-an nga anaa sa mil- 912 ka ‘human resources for health’ aron ipuno sa mga ospital ug local govt units nga gikulang sa ilang mga frontliner kay nangatakdan na sa bayrus.
Una nang gikompirmar ni Suba-an nga daghan na usab sa ilang health workers ang naka-isolate tungod sa pagka-takdi sa maong bayrus sukad nakasulod ang bayrus sa Northern Mindanao.
