CAGAYAN DE ORO CITY-Gibuhian ni RTC Branch 38 Judge Emmanuel Pasal ang padayong paghawid sa kasong kidnapping ug carnapping batok sa lima ka kanhi pulis sa syudad.
Gikompirmar sa abogado sa pamilyang Fernandez nga si Atty Rey Raagas nga tuyo ni Pasal nga dili mahimong bayas sa pagdungog sa kaso hinungdan na-raffle kini padulong kang RTC Branch 17 Judge Florencia Sealana Abbu.
Tungod niini,hayan malangan pa ang pagpakanaug sa hukom batok kanila nila Sr/Insp Ereneo Ramirez, SPO2 Jojo Lim,SPO1 Alaindelon Tacubao,PO3 Alejandro Ubanan ug PO2 Sangkula Hussein ilabina nga duol na usab mo-retiro si Abbu.
Bugtong si Ubanan lamang gikan sa lima ka akusado sa pagdagit kang Enrique Fernandez III ang gibalhin sa provincial jail kay giingong nagkabikil na sila kabahin sa giatubang nga kaso sa korte.
