CAGAYAN DE ORO CITY – Miubos ngadto sa 29 ka bag-ong kaso na lamang sa COVID-19 ang natata dinhi sa dakbayan.Kini subay sa resulta sa kusganong kampanya sa task force batok bayrus sa syudad.
Gibutyag ni City Information Office head Maricel Rivera nga sa 73-mil 283 nga regional cumulative cases sa bayrus,19-mil 128 niini ang gikan mismo dinhi sa dakbayan.
Apan gipasabot ni Rivera nga 3-mil 761 na lamang ang aktibo ug anaa sa nagkadaiyang ospital ug city isolation units sa syudad.
Gawas niini,dugang 108 usab ang recoveries apan may dugang tulo ka pasyente ang namatay ug may sumada na ang death toll sa 818 sukad kagahapong adlawa.
Samtang gika-alarma ni City Health Office medical officer Dr Ted Yu ang 91 porsiento o 741 sa mga kompirmadong nangamatay sa impeksyon sa COVID-19 nga dili mga bakunado ning syudad.
Kini human nahuptan na sa dakbayan ang 818 death cases tungod sa tulo nga napuno sa listahan kagahapong adlawa.
Miingon si Yu nga nagpakita lamang kini kon unsa ka delikado kon ang matag-usa dili mabakunahan kontra sa bayrus.Giklaro usab niini nga sagad sa mga namatay ang nagbaton sa tagsa-tagsa ka daan nang balatian sa panglawas.
