CAGAYAN DE ORO CITY – Wala na’y lipud-lipod nga giangkon ni City Mayor Oscar Moreno ang pagbaton sa taas nga kaso sa COVID-19 nga miigo sa katawhan sa dakbayan.
Kini human tumbuka sa mayor ang paspas nga local transmission sa bayrus nga miapektar sa mismong mga residente ug local stranded individuals nga ubos sa mga pag-atiman sa dakbayan.
Sa kasamtangan,nagbaton ang syudad sa 762 ka kaso itandi sa dakbayan sa Iligan nga 707 subay sa data nga ilang gipagawas kagahapong adlawa.
Samtang giklaro sa City Health Office o CHO nga 306 na lamang gikan sa 762 nga kaso sa COVID-19 ang pabiling aktibo niini ug kasamtangang gipatiman dinhi sa syudad.
Kini human kompiramaha ni CHO head Dra Lorraine Nery nga napun-an sa 43 ka bag-ong kaso ang syudad nga daghan niini ang naggikan sa local transmission.
Mitala na usab sa 32 ang death toll samtang dunay 424 na ang mga nangaulian kontra bayrus.
