CAGAYAN DE ORO CITY-Wala pa giwagtang ni City Mayor Oscar Moreno ang red alert status sa paghatag seguridad sa publiko ning syudad.
Kini bisan nga natapos na ang pagdagsa sa libuang katawhan nga miduaw sa nagkadaiyang menteryo aron mohatag pagtahod sa mga mahal sa kinabuhi nga nangamatay.
Gibutyag ni Allan Porcadilla,head sa City Disaster Risk Reduction and Management Dept o CDRRMD nga wala mabalda ang kahusay ug kalinaw sa adlaw sa santos ug kalag gumikan sa security plan sa kapolisan ug militar
kauban.
Giila usab ni Porcadilla ang dakong papel sa mga brgy tanod nga naghatag seguridad sa maong
kasaulugan ning syudad.
Samtang gipasalamatan sa Provincial Disaster Risk and Reduction Management Office o PDRRMC ang suporta sa katawhan hinungdan nga nagmalinawon ang kasaulugan sa adlaw sa mga santos ug kalag sa Misamis Oriental.
Gibutyag ni PDRRMC head Fernando Sotsot Dy Jr nga bisan gihimo nga reunion sa pipila ang pagduaw sa ilang mga minahal sa kinabuhi sa mga menteryo,nagpabilin gihapon ang diwa sa kasaulugan pinaagi mga pag-ampo.
Siya miingon nga daw nahimong piyesta ang pagtamod sa adlaw sa mga kalag tungod kay gadala’g pagkaon sa menteryo ang mga dumuduaw.
