CAGAYAN DE ORO CITY-Nagtoo ang kampo ni Cagayan de Oro 1st District
Rep Rolando Klarex Uy nga dili mopabor gihapon kanila ang hukom sa
House of Representatives Electoral Tribunal o HRET batok election protest ni
kanhi Kag Candy Darimbang.
Kini human gisugdan na ang pagsusi sa kapig 200 ka balota nga gi-protestahan ni Darimbang sa miaging 2016 elections ning syudad.
Miingon si Atty Angie Carrasco-Cenesio nga halos walay nakita
nga pag-irog sa mga boto ni Uy ug Darimbang hinungdan nga kumpiyansa
sila nga dili matarog ang ilang kadaugan.
Si Cenesio miingon nga kon makita sa HRET nga walay dagkong kausaban sa mga dokumento sa protesta,hayan ilugwa na nila ang hukom sa sunod nga bulan sa Marso ning tuiga.
Si Uy ang nagbaton lamang sa 5-mil ka labaw sa boto batok Darimbang
gikan sa libuan nila nga mga botante hinungdan nga nahitabo ang election
protest.
Samtang,gibutyag usab ni Atty Pocholo de Leon abogado ni Darimbang nga dili una sila mohatag pahayag hangtod walay hukom ilugwa ang HRET.
