CAGAYAN DE ORO CITY-Giawhag sa simbahang Katolika ang kapolisan nga ihatag ug dili pihigon sa tawhanong katungod si IFI Bishop Carlo Morales nga kabahin sa nasikop sa AFP-PNP joint checkpoint sa Brgy Gango,Ozamiz City,Misamis Occidental sa miaging semana.
Gihimo ni Msgr Elmer Abacahin ang awhag tungod sa kasong giatubang ni Morales kuyog ang kanhi taas nga opisyal sa New People’s Army o NPA nga si Rommel Salinas sa piskalya sa maong syudad.
Nagdumili si Abacahin pagkondinar sa gidangatan ni Morales apan angay pamatud-an sa kapolisan nga tinood ang ilang pasangil batok sa mga dinakpan.
Una nang namugos si Ozamiz City Police Station commander C/Insp Jovie Espenido nga subay sa balaod ang ilang pagdakop kang Morales ug Salinas hinungdan sila gikasuhan sa piskalya.
