CAGAYAN DE ORO CITY-Gibag-o sa kapin gatos ka mga pari ang ilang mga saad isip mga alagad sa Ginoo pinaagi sa konselebradang kalihukan sa San Agustin Cathedral sa syudad kagahapon sa hapon.
Kini kabahin sa obligasyon sa mga pari aron lapdan pa ang ilang ebanghelisasyon ug pagsangyaw sa mga kasuguan nga nalatid sa balaang kasulatan.
Miingon si Msgr Perceous Cabunoc,vicar general sa San Agustin Cathedral nga unta ipadayon sa mga Kristiyano ang mga pag-ampo aron sila nga mga pari ang makabaton sa igong katakos sa ilang mga bokasyon.
Mismo si Cagayan de Oro Archdiocese Archbishop Antonio Ledesma ang nangulo sa kalihukan ‘crism mass’ ug renewal of vows sa kapin gatos ka pari nga ubos sa Society of Saint John Vianney ug Religious Orders.