CAGAYAN DE ORO CITY-Nanawagan si Cagayan de Oro Archbishop Antonio Ledesma sa mga Kristiyano ug mga Muslim nga maghiusa alang sa pagpabangon
balik sa Marawi City.
Kini human daghang pamilya ang nag-antos pa gihapon sa nagkadaiyang evacuation centers kay wala pa tugti makasulod sa main battle area dala sa peligro sa mga nabiling teroristang Maute-ISIS.
Miingon si Ledesma nga unta sa pagtamod sa pasko,dili angay limtan ang maong mga pamilya nga anaa sa kalisdanan gumikan sa pagpanghasi sa mga terorista.
Samtang ipatawag ni Lanao del Sur Gov Soraya Alonto Adiong ang mga mayores ingon man militar ug kapolisan ugmang adlawa.
Kini alang sa provincial peace and order council meeting aron tukion ang mga lakang pagsumpo batok sa recruitment sa grupong Maute-ISIS sa mga kabatan-unan sa maong lalawigan.
Miingon si Lanao del Sur District board member Abdulhamid Amerbitor nga walay hunong ang ilang pakig- dayalogo sa mga residente aron dili makapangilad ang grupo sa usa ka Wayda Marahomsar Benito nga utok sa pagpang-recruit.
Si Amerbitor miingon nga si Benito ang susama’g kapas sa napatay’ng sila Omar Maute ug Isnilon Hapilon hinungdan nga naalarma ang mga opisyal sa Lanao Sur.
