CAGAYAN DE ORO CITY-Gamiton sa grand prize winner nga si Juliet Cena nga taga-Mambato,Agora,Brgy Lapasan sa syudad paggasto sa pagtungha iyang duha ka anak sa kolehiyo ang nadag-an niya nga P1 million.
Kini human ang entry ni Cena ang suwerteng nabunutan gikan sa 3 milyon-874-mil-897 ka entries nationwide atol sa grand draw sa Buena Mano Salvo Promo Part 12.
Si Cena miingon nga gamiton usab niini ang ubang sa iyang daug pagpalit sa kaugalingong balay ilabina nga i-demolish na ang lugar nga gipuy-an.
Sa kapi’g 3 milyon ka entries nationwide,230-mil 130 niini ang mismong gikan dinhi sa syudad ug Misamis Oriental.
Sulod sa tulo ka bulan nga paglusad sa promo,natala niini ang 182,926,196 nga total worth of products sold;5,034,882 nga number of products sold;4-mil,312 ka katibuk-ang mananaug diin nahatagan sa P6.5 million nga ganti nationwide.
Samtang e-negosyo sa 1st prize guarenteed winner nga si Jefrenalou Valdehueza ang iyang daug balor P15-mil cash aron mapuslan sa iyang pamilya sa Brgy Artadi,Magsaysay,Misamis Oriental.
Kini human palaran usab si Valdehueza nga nabunutan atol sa grand draw sa Buena Mano Salvo Promo dinhi sa Bombo Radyo.
Sa pikas bahin,ipalit usab ni Ermelio Millena nga taga- Brgy Puntod sa trisikad ang tipik sa dawaton niya nga P10-mil.
Si Millena ang nagsilbing 2nd prize guarenteed winner samtang si Judy Capito gikan sa Brgy Calaanan ning syudad ang modawat usab balor P5-mil isip 3rd prize winner.
