CAGAYAN DE ORO CITY – Gikompirmar ni ABC President/City Councilor Alam Lim ang pagkamatay ni Brgy. Patag Chairwoman Maricor Calizo, kinsa kapikas ni City Councilor Romeo Calizo.
Sa pakighinabi sa Bombo Radyo, gibutyag ni Lim nga namatay si Calizo sa komplikasyon sa balatian nga gipasamot sa COVID-19.
Namatay ang kapitana samtang kini gitambalan sa Northern Mindanao Medical Center o NMMC.
Gilayong nagbaha ang mga pagpasubo sa katawhan sa dihang nasayran nila ang gidangatan sa barangay kapitana.
Samtang sundon lamang kon unsay nalatid sa balaod kabahin sa mohulip sa nabakante nga puwesto ni Calizo ning syudad.
Kini ang gipasabot ni city administrator Teddy Sabugaa kabahin sa kamatayon ni Calizo tungod sa komplikasyon sa tungod sa COVID-19.
Gibutyag ni Sabugaa nga may rule of succession nga gisitar niana ang DILG nga maoy sumbanan sa brgy nga angay sundon.
Mag-agad usab kang City Mayor Oscar Moreno kon kinsa ang mapili nga laing kagawad tungod sa pagkabakante subay sa rekomendasyon sa katawhan sa maong brgy.
Si Calizo ang kasamtangang alyado sa liderato ni Moreno sa dakbayan.
