CAGAYAN DE ORO CITY – Gibangutan una sa mga opisyal ug katawhan kaysa motudlo na sila’g makahulip sa magsilbing chairman sa peace and order committee diha sa konseho sa Brgy Consolacion ning syudad.

Kini ang katin-awan ni Consolacion Brgy Kap.Alexander Ligtas nunot sa brutal nga kamatayon sa ilang kauban nga si Kag. Ruben Boli-Boli,45 anyos,minyo samtang mibisita sa ilang kabanay sa Valencia City,Bukidnon sa miaging semana.

Gibutyag ni Ligtas nga miduyog sila sa kasub-anan nga gibati sa pamilya sa biktima rason nga naka-half mast ang bandila sa ilang brgy ning tungura.

Si Boli-Boli ang nabangalan nga wala na’y kinabuhi samtang dunay tinigbasan sa ulo ug ubang bahin sa lawas.Bangi sa yuta ang labing duol nga motibo sa kremin.