CAGAYAN DE ORO CITY-Giakasuhan karon sa pipila ka brgy officials nga ang ‘duga’ nga gikan sa engineered sanitary landfill sa Brgy Pagalungan ang hinungdan kon nganong gipangkagid na ang mga residente nga nangaligo sa sapa diha sa Brgy San Simon ning syudad.
Kini human sukad natukod ang 600 milyon pesos nga balor sa pasilidad aron ipaubos sa proseso ang mga tonelada sa mga basura gikan sa nagkadaiyang bahin sa dakbayan.
Gibutyag ni San Simon Brgy Kag Fernando Edrolin nga wala sila’y laing gidudahan kon nganong namatay ang mga isda sa ilang sapa gawas sa lecheate o “juice” gikan sa sanitary landfill.
Dismayado usab sila kay sa pagtukod sa pasilidad wala sila maapil sa konsultasyon ilabina nga kabahin ang ilang brgy nga apektado ning panahona.
Samtang pamatud-an sa CLENRO nga mipasar sa “tolerable level” ang presensiya sa posibleng kemikal nga gikan sanitary landfill nga mipadulong sa sapa sa Brgy San Simon ning syudad.
Kini human gihimakak ni CLENRO officer Edwin Dael ang pasangil nga may mga isda nga nangamatay ug gipang-korikong ang pipila ka residente tungod sa hguaw nga gikan sa pasilidad sa Brgy Pagalungan ning syudad.
Namugos si Dael nga kumpleto sa papeles ang katukuran sa maong pasilidad ug mas luwas itandi sa open dumpsite kaniadto sa Zayas,Brgy Carmen nga diretso ang hugaw sa suba sa Brgy Iponan sa syudad.
