CAGAYAN DE ORO CITY – Tingkagol na sa prisohan ang aktibong Sangguniang Kabataan sa Barangay Balulang human gipahigayon ang drug buy-bust operation sa Sambaan Village, Brgy. Patag ning syudad kagabii.
Giila ang dinakpan nga si Chuck Grover Yañez, 26-anyos ug molopyo sa Block 10 Lot 13, Balulang.
Gibutyag ni Police Lt. Rolio Paro, Deputy sa Carmen Police Station nga malampuson nilang napalitan sa druga ang suspek gamit ang marked money nga usa kalibo ka pesos.
Sa adlaw’ng Martes, ipasaka ang kasong paglapas sa Republic Act 9165 o Comprehensive Dangerous Drugs Act of 2002 batok sa batan-ong opisyal.
