CAGAYAN DE ORO CITY – Gi-reklamo sa pipila ka residente dinhi sa Bombo Radyo ang patakaran ni Macasandig Brgy Kap Amor Sanchez kabahin sa paghatag brgy clearance.
Kini human dili mohatag ang brgy kon dili rehistrado nga botante ang pipila ka residente nga mangayo niini.
Apan miingon si Sanchez nga walay palisya o balaod nga iyang gi-basehan niini apan tuyo lamang niya ng masiguro nga lehitimo ang tumong sa pagpagawas a maong dokumento.
Gipanghimakak niya nga mibalibad kini sa pagpahatag sa maong dokumento ngadto sa pipila nga nagkinahanglan niini.
Hisayrang subay sa balaod,namiligro si Sanchez nga mag-atubang sa kasong administratibo o kasupakan sa Citizen Charter Act kon may mangahas pag-reklamo kaniya sa husgado.
