CAGAYAN DE ORO CITY-Dili illegal drugs protector ang pulis nga nasikop sa City Drugs Enforcement Unit o CdeU kauban ang duha ka target listed personalities sulod sa drug den sa Brgy Carmen sa syudad sa miaging semana.
Kini ang katin-awan ni CdeU head Sr/Insp Maricris Mulat nunot sa mga impormasyon nga giingong notado nga nalambigit sa gidiling droga si PO2 Buenaventura Reyes III sa syudad.
Gihimo ni Mulat ang pahayag kay nakurat usab kini sa impormasyon nga giingong ga-suplay si Reyes sa gidiling droga sa pipila ka brgy sa syudad.
Gani,milugwa usab ang kasayuran nga lisod ipaubos sa Tokhang si Reyes kay pag-umangkon kini sa usa sa mga brgy kapitan nga may kapikas nga elected official sa syudad.
