CAGAYAN DE ORO CITY – Nangandam na ang City Disaster Risk Reduction Management Dept nunot sa pag-abot sa dautang panahon dinhi sa syudad.Kini epekto sa taliabot nga bagyong Auring nga hayan moigo sa Caraga Region nga silingan sa Northern Mindanao.
Gibutyag ni CDRRMD head Nick Jabagat nga nagpahigayon na sila;g meeting alang sa mga angayang himoon.Gipahimangnuan usab ni Jabagat ang katawhan nga kanunay magbantay sa mga abiso ilabina sa mga lugar nga sagad bahaon.
Samtang nakataas alerto na usab ang puwersa sa Misamis Oriental PDRRMO kuyog ang city ug municipal govt units batok sa epekto sa bagyong Auring nga posibleng idulot sa rehiyon ning semanaha.
Gibutyag ni MisOr PDRRMO head Fernando Dy Jr nga naka-account na ang ilang mga personahe ingon man ang mga kagamitan aron magamit kon anaa na sa pagpanginahanglan.
Hisayrang pinakauna duol ang Misamis Oriental sa Caraga region kon mo-ensakto ang bana-bana nga mag-landfall ang mata niini sa mosunod nga adlaw.
