CAGAYAN DE ORO CITY – Nabalaka ang City Health Office nga mapun-an ang ihap sa mga tawo nga posibleng na-expose sa 21-anyos nga nagpositibo sa Covid-19 nga taga Brgy Lumbia ning syudad.
Gikompirmar ni City epidemiologist Dr. Teodulfo Joselito Retuya nga anaa na sa 181 ka tawo ang ilang gipaubos sa swab test dihang nakabaton sa direkta nga kontak sa pasyente.
Gidugang ni Retuya nga sa maong ihap, 91 niini health workers sa Northern Mindanao Medical Center samtang 40 ang naggikan sa usa ka private hospital nga maoy mibalhinan sa pasyente human gipaubos sa final surgery.
Gimonitor usab ang kahimtang sa panglawas sa 35 ka miembro sa local rescue group nga unang mi-responde sa vehicular accident nga gikalambigitan sa biktima ug 15 ka sakop sa pamilya niini.
