CAGAYAN DE ORO CITY – Gilusad karon sa City Health Office o CHO ang lapad nga contact tracing sa mga tawo nga ulahi nga nakauban sa 21 anyos nga lalaki nga positibo sa coronavirus disease o COVID-10 nga residente sa Brgy Lumbia sa syudad.
Kini human unang nadala sa pribadong ospital ang biktima tungod sa vehicular accident sa miaging Abril ayha gi-refer sa Northern Mindanao Medical Center tungod sa pagkatakdi sa maong sakit.
Miingon si CHO head Dra Lorraine Nery nga sama sa gihimo nila sa Sitio Pinikitan,Brgy Camaman-an,molusad usab sila sa intensive contact tracing aron masubay ug ma-isolate ang kabanay ug ubang tawo nga gikauban sa positibong pasyente sa coranavirus.
Samtang gitin-aw ni Lumbia Brgy Kap Alexander Torralba nga wala sa ilang lugar nahimutang ang pamilya sa 21-anyos nga positibo sa COVID-19 sa syudad.
Miingon si Torralba nga nasulod na sa city isolation unit ang pamilya sa maong biktima alang sa 14 days quarantine.
Dugang sa kapitan nga anaa sa hugot nga koordinasyon ang Barangay Health Emergency Response Team ug ang City Health Office kabahin sa monitoring sa ilang katawhan tungod sa pandemya.
