CAGAYAN DE ORO CITY – Kuyugan ni City Mayor Oscar Moreno ang motorkada sa City Health Office o CHO alang sa citywide clean up drive awareness campaign batok dengue dinhi sa syudad.Kini human ubos na sa epidemic ang dakbayan tungod sa mil-750 ka kaso diin 15 niini ang nangamatay na.
Miingon si CHO head Dr Fe Bongcas kapin sa gatos porsiento ang pagsaka sa dengue cases ning tuiga itandi sa naglabay’ng 2018.Kini ang hinungdan nga gimanduan ang 80 ka brgy nga moduyog sa anti-dengue clean up drive sa syudad sa Agosto 20 sa alas kuwarto sa hapon.
Dugang ni Bongcas nga sobra pa sa oubreak ang miigo sa syudad tungod sa taas nga pagsaka sa dengue ning tuiga.Samtang gi-depensa sa konseho ang pagpaubos sa state of calamity sa tulo ka brgy gumikan sa taas nga kaso sa dengue ning syudad.Kini human unang gikakurat sa Dept of Health -10 ang deklarasyon sa konseho nga wala makig-koordinar kanila.Miingon si Kag Maria Lourdes Gaane,chairman sa health committee nga miagi sa proseso ang hukom sa konseho aron imando ang state of calamity sa kabarangayan sa Balulang,Carmen ug Kauswagan.
Nag-unang tuyo sa deklarasyon nga malugwa ang calamity funds aron magamit sa maong mga brgy pakig-batok sa dengue.
