CAGAYAN DE ORO CITY – Gidangop ni CLENRO head Engr Armen Cuenca sa Environmental Management Bureau nga ubos sa DENR 10 ang suliran sa mga langaw nga gikan sa pultrehan sa Baungon,Bukidnon nga misulod sa pipila ka brgy dinhi sa syudad.
Kini isip aksyon sa iyang buhatan nunot sa mga reklamo sa mga residente partikular sa Brgy Lumbia ug silingan mga brgy gumikan sa kadaghan sa mga langaw nga nanulod sa ilang mga balay.
Miingon si Cuenca nga may gihimo usab sila nga pagsusi sa pipila ka pultrehan sa hinterland brgys sa syudad kon kini ba usab nakadugang sa pagdagsa sa mga langaw diha sa uptown residents.
Hisayrang may gihimo na usab nga aksyon ang sangguning bayan sa Baungon aron ma-kontrolar ang mga langaw sa pultrehan nga nakahatag sa dakong kahasol sa katawhan sa silingang mga lugar.
