CAGAYAN DE ORO CITY-Wala gikataranta sa mga personsahe sa Commission on Elections o Comelec ang subli pagduso’g sertipiko de kandidatura sa aspiring candidates nga molambigit sa 2019 midterm elections ning syudad.
Kini bisan nga gilauman ang pagdagsa sa grupo ni PDP-Laban re-electionist City Mayor Oscar Moreno ug kanhi City Mayor Vicente ‘Dongkoy ‘Emano sa Comelec ning semanaha.
Miingon si City Election Officer Atty Ramil Acol nga daan na nila gihimua’g pangandam ang duha ka grupo nga dunay igong puwersa mag-agbat sa sunod tuig nga piliay.
Sa miaging semana,nagduso pagka-mayor sila si media practitioner Ben Contreras,Richard Nixon Baban ug Felix Borres Jr aron atbangan ang grupo ni Moreno ug Emano.
