CAGAYAN DE ORO CITY-Ipursige sa konseho ang pag-imbestigar sa kontrobersya sa panubig sa Cagayan de Oro Water District o COWD nga sinuplayan sa Rio Verde Water Consortiom ning syudad.
Kini ilabina nga gisugdan na sa Rio Verde ang pag-lower sa water suply sa COWD diin daghang konsumante na ang nag-antos sa ka walay tubig sa syudad sugod Sabado sa gabii.
Gibutyag ni Kag Bong Lao,chairman sa komite sa public utilities sa konseho nga tuyo nila makakita’g dinalian nga sulbad sa suliran sa panubig.
Namugos ang Rio Verde nga angay dili sila basulon sa katawhan apan ang COWD kay nagdumili sila mahatagan sa kapin 16 pesos nga water increase.
Samtang namugos si resigned COWD board of director member Joel Baldelovar nga dili nila kinaiya aron magpatuman sa water rate increase.
Kini human akusahi sa pipila ka miembro sa konseho nga nag-drama ang COWD,Rio Verde ug MetroPac aron mapatuman ang usbaw sa bayronon sa tubig dinhi sa syudad.
Gibutyag ni Baldelovar nga abli sila alang sa imbestigasyon sa konseho ug andam moatubang sa kaso kon adunay anomaliya sa gisudlang kontrata ang COWD,Rio Verde ug MetroPac.
