CAGAYAN DE ORO CITY –Napun-an lamang sa usa ka positibong kaso sa COVID-19 ang dakbayan.
Kini ang gikompirmar ni City Health Office head Dra Lorraine Nery nunot sa paghatag nila’g update sulod ning adlawa.
Miingon si Nery nga ang maong ika-144 ka pasyente ang usa ka lalaki nga locally stranded individual nga naka-isolate na sa pasilidad ning dakbayan.
Gawas niini,usa lamang usab ka pasyente ang naka-rekober batok sa bayrus ning adlawa.
Kasamtangang nagbaton sa 53 ka aktibong kaso,unom ang namatay ug 85 na ang nangaulian gikan sa maong sakit.
