CAGAYAN DE ORO CITY-Gipakalma ni acting Cagayan de Oro Water District o COWD General Manager Engr Beinvenido Batar Jr si senior draftsman Emmanuel Mulawan sa iyang giingong corruption exposy sulod sa ilang opisina.
Gihimo ni Batar ang awhag nunot sa opisyal nang pagbalik ni Mulawan sa trabaho samtang naka-piyansa sa kasong rape nga pending sa korte sa Cavite.
Miingon si Batar nga katungod ni Mulawan ang pagpadayag apan angayan mag-pokus una kini sa iyang trabaho.
Si Mulawan ang dul-ag lima ka tuig nga gi-priso kay giakusahan sa rape diin daghan ang nagduda nga epekto sa iyang corruption expose batok sa kuwestiyonabling COWD transactions ning syudad.
Samtang kumpirmado nga gipatubag na ang board of directors sa Cagayan de Oro Water District o COWD sa Civil Service Commission o CSC-Central Office.
Kini human kuwestiyona ni kanhi COWD general manager Engr Rachel Beja ang pagtangtang sa board of directors sa posisyon ning tuiga.
Miingon si Batar gihatagan sila’g 15 ka adlaw aron motubag sa apelar ni Beja batok sa dismissal order.
Namugos kaniadto si COWD chairman of the board Eduardo Montalvan nga nawad-an na sila’g pagsalig ug kumpiyansa rason gihulipan nila sa puwesto si Beja.
