CAGAYAN DE ORO CITY – Mohatag sa pabor ug adunay pipila ka disbintaha ang pagpasulod sa Enhanced Defense Cooperation Agreement o EDCA partikular sa Cagayan de Oro City.
Kini ang baruganan ni Professor Rai Sanchez sa History sa Xavier University kabahin sa EDCA site construction sulod sa Lumbia Airbase ning syudad.
Gibutyag ni Sanchez nga makapalig-on sa depensa sa Pilipinas ang presensya sa tropang Amerikano samtang ipa-moderno pa ang Armed Forces of the Philippines.
Siya miingon nga gawas sa kalig-on sa pang-depensa,makatabang usab ang presensiya sa EDCA sa paspas nga pag-responde sa panahon sa kalamidad,trahedya ug humanitarian assistance.
Apan miprangka usab kini nga dili kalipay ang Pilipinas nga madamay kon magka-gubot ang Amerika ug mga karibal niini sama sa Tsina ug Rusya.
Miingon kini nga hinoon dili matagna kon kanus-a ang posibleng panagsungag sa mga magkaribal nga nasud apan dili kalikayan kon managsama nga walay mopaubos kanila.
Sa aspeto sa turismo ug ekonomiya,adunay dala nga positibo ang EDCA.
Apan dili usab kalikayan nga posibleng mokaylap pagsamot ang sakit sa HIV-AIDS gumikan unya sa pagkusog sa sekskuwal nga mga aktibidad.
Magsilbi usab kining dakong hagit sa local government unit sa panahon nga mahitabo dinhi sa dakbayan.
