CAGAYAN DE ORO CITY – Mohimo sa pipila ka batakang serbisyo publiko ang kahugpungan sa Filipino-Chinese community nga nakabase dinhi sa dakbayan sulod ning semanaha.
Kini isip ilang pagpaabot suporta sa mga progama sa dakbayan ug pagpasalamat sa laing kasaulugan sa Chinese New Year ning tuiga.
Miingon si Cagayan de Oro Filipino-Chinese Pres Benjamin Chan Jr nga dako ang ilang pagpasalamat nga walay hunong ang paghatag importansya sa gobierno kanila nga dugay nang nanimuyo ug nag-negosyo ning syudad.
Siya miingon nga ubos sa tuig sa mga halas,sila naglaum nga dakong kaugmaran pa ang ilang mahatag sa ekonomiya,negosyo ug panarbaho dinhi sa dakbayan.
Dugang niini nga kabahin sa ilang gitanyag ang paglusad sa medical ug dental mission nga gihimo nila sa Atrium,Limketkai Mall ning syudad.
