CAGAYAN DE ORO CITY – Mopaspas pa ang preparasyon ug paghandos sa mga kaso batok sa mga anaa sa kalambigitan sa nagkadaiyang dagkong kremin ngadto sa piskalya ning syudad.
Kini human misugod na sa pagserbsiyo ang Cagayan de Oro City Forensic Unit ubos sa supervision sa Police Regional Office 10 nga nakabase sa Hilltop,Camp Alagar ning syudad.
Miingon si PRO 10 Director Brig Gen Jaysen De Guzman nga ang maong pasilidad magsilbi nga ‘vital hub’ alang sa scientific investigation, pagpanindot pa sa mga serbisyo nga itunol sa forensic personnel ug ang pagpasayon sa mga imbestigasyon sa mga kaso aron mapaspas ang paghatag sa hustisya.
Siya miingon nga nag-unang mga serbisyo ang Scene of the Crime Operations (SOCO) Response, Firearms Examination, Polygraph Examination ug Questioned Document Examination.
Gihagit usab sa heneral ang mga otoridad nga itigbabaw ang taas nga basehan sa pagka-propesyonal ug integridad sa trabaho ug dili katulganang ilang obligasyon nga pagsulbad sa mga kremin ug pagprotehir sa mga inosenteng mga sibilyan.
