CAGAYAN DE ORO CITY-Gipanguluhan sa National Telecommunication Communications o NTC-10 ang pagwagtang sa mga wala na’y gamit nga kable nga nagkutay sa mga poste palibot sa syudad.
Kini human pirmado na ang memorandum of understanding tali kang City Mayor Oscar Moreno kagahapong adlawa.
Si NTC regional director Teodoro Buenavista miingon nga tumong niini nga makalikay ang katawhan sa peligro dala sa mga nagbitay ug walay gamit nga kable.
Una nang gimugna ang Task Force Hapsay Kable alang sa maong katuyuan.
Nasayran nga gihimo ang seremonyal nga paghipos sa cable wires sa mga poste nga nakabase sa Yacapin-Osmena Streets ning syudad kaganihang buntag.
