CAGAYAN DE ORO CITY – Gusto karon sa City Health Office o CHO nga ipaubos sa state of calamity ang tibuok syudad.
Kini tungod sa 2-mil 200 ka kaso sa dengue diin dul-ag 20 niini sa mga tawong biktima ang kompirmado nang nangamatay.
Miingon si CHO head Dr Fe Bongcas nga naduso na nila ang mga dokumento sa City Disaster Risk Reduction and Management Dept aron ipaubos sa dugang ebalwasyon.
Gibutyag usab ni Bongcas nga mohimo sila’g ebalwasyon sa gilusad nga citywide clean up drive batok mga lamok nga nagdala’g dengue kon may epekto kini sa pag-ubos sa kaso.
Una nang ubos sa state of calamity ang kabarangayan sa Carmen,Kauswagan ug Balulang gumikan sa taas nga kaso sa dengue ning tuiga.
