CAGAYAN DE ORO CITY-Gipa-activate karon ni City Mayor Oscar Moreno ang incident management team o IMT kabahin sa hadla sa dautang panahon nga moigo ning syudad.
Gibutyag ni CDRRMD head Allan Porcadilla nga tuyo niini nga subli mapangandaman ang dad-ong epekto sa Bagyong Agaton sa mga mosunod nga takna ning adlawa.
Gani, gipatawag sa CDRRMD ang mga kapitan sa 80 ka brgy ilabina kadtong mga sagad maigo sa pagbaha ug landslides kon adunay pag-igo sa bagyo.
Una niini, subli gitinguha sa syudad nga makuha ang zero casualty sama sa gihimong pagpangandam dihang miigo ang bagyong Vinta sa miaging semana.
