CAGAYAN DE ORO CITY – Gitakdang ipa-aktibo na ni City Mayor Rolando’ Klarex’ Uy ang Incident Management Team o IMT epektibo sunod semana.
Kini sa tuyo nga maoy mangulo sa pagpatuman sa mga lakang alayon sa pagtamod sa semana santa.
Namahayag si CDRRMD manager Nick Jabagat nga gihan-ay na lang nila ang ginagmay’ng kausaban sa mga ipatuman nga gabayan ayha hingpit ipatuman alayon sa maong mga aktibidad sunod semana.
Partikular nga tutukan sa IMT ang mga simbahan,pilgrimage sites nga dagsaon sa katawhan ug ang nagkadaiyang kadagatan pag-abot sa Domingo sa pagkabanhaw.
Samtang naka-andam na usab ang responding team sa provincial govt aron mohatag sa seguridad sa mga deboto nga modagsa sa nagkadaiyang pilgrimage site sa Misamis Oriental.
Namahayag si Fernando Dy Jr,head sa MisOr PDRRMO nga ipaubos na ni Provincial Gov. Peter Unabia sa ‘code bue’ ang tibuok lalawigan epektibo sunod semana.
Dugang ni Dy nga kumpleto na ang mga koordinasyon sa provincial govt ngadto sa kalungsuran diin anaa ang pagbisita sa mga deboto alayon sa semana santa.
