CAGAYAN DE ORO CITY-Gipasalig sa molangkob sa incident management team o IMT nga mahatagan sa igong seguridad ang libuang deboto nga modagsa sa religious sites ning syudad.
Kini alayon sa gitakdang pag-activate sa IMT diin mismo si City Mayor Oscar Moreno ang mangulo aron dili malutsan batok sa mga dautang tawo ang mga kalihukan sa dakbayan sa semana santa.
Miingon si CDRRMD acting head Allan Porcadilla nga all-set na ang tanang grupo nga motutok ilabina sa pagdagsa sa katawhan sa mga simbahan ingon man sa Malasag sa Brgy Cugman ug Our Lady of Guadalupe sa Brgy Tablon sa syudad.
Samtang anaa na sa final phase ang assignment sa kapolisan sa pagdagsa sa mga deboto sa duha ka dakong religious sites ning syudad.
Gibutyag sa Cagayan de Oro City Police Office o COCPO spokesperson Supt Mardi Hortillosa nga nahatag na ang tagsa-tagsa ka assigment sa ilang mga tawo aron mohatag seguridad sa semana santa.
Nanganti ni Hortillosa nga sikopon nila kadtong mga tawo nga mohimo’g kasamok aron dili madisturbo ang mga pag-ampo sa mga deboto.Kauban usab sa kapolisan ang ubang puwersa nga ubos sa Incident Managent Team o IMT nga i-aktibo ni Moreno sa adlaw’ng Miyerkules.
