CAGAYAN DE ORO CITY-Kab-uton sa naglangkob sa incident management team o IMT ang zero casualty alayon sa paghatag nila’g seguridad sa mga kalihukan sa semana santa ning syudad.
Kini human gikatag na ang kapolisan,militar ug ubang puwersa ilabina sa mga simbahan,bukid sa Malasag ug kapamilya sa Berhin sa Guadalupe sa dakbayan.
Miingon si Allan Porcadilla,head sa City Disater Risk Reduction and Management Dept o CDRRMD nga ipatuman nila ang hugot nga seguridad ug gi-obligar mosunod ang katawhan aron malikayan ang posibleng hitabo nga ikadaot sa kabalaan ning semanaha.
Samtang ikustodiya ug kasuhan sa mga otoridad kadtong mga tawo nga mohimo’g sabotahe sa kabalaan sa mga kalihukan sa unom ka religious sites sa Misamis Oriental.
Kini ang panganti ni Misamis Oriental PDRRMO head Fernando Dy Jr alayon sa gipatuman nga seguridad ilabina sa Divine Mercy Shrine Hills sa El Salvador City ug Sipaka Heights sa Talisayan ning lalawigan.
Miingon si Dy nga unta sundon sa katawhan ang mga gabayan nga gipatuman sa kapolisan ug militar aron matibawas nga malinawon ang semana santa nga malinawon.
