CAGAYAN DE ORO CITY-Gihagit ni Cagayan de Oro Archbishop Antonio Ledesma,SJ,D.D ang katawhan nga dili mobulag sa paghiusa batok hadla sa kahusay’g kalinaw sa Mindanao.
Gihimo ni Ledesma ang hagit tungod sa pagkatay-og sa kahimtang sa seguridad tungod sa cathedral suicide bombings ug grenade explosion sa Western Mindanao sa miaging semana.
Miingon si Ledesma nga dili bangi sa relihiyon ang maong mga hitabo apan tungod sa motibo sa politika rason nasakripisyo ang 22 ka kinabuhi sa tawo sa maong hitabo.
Samtang gidasig sa National Commmission on Muslim Filipinos o NCFM-10 ang katawhan nga dili magpaulipon sa kasuko bisan sa mga pag-atake sa mga teroista sa Jolo,Sulu.
Gihimo ni NCMF regional director Abdulnasser Masorong Jr nga itugot sa katawhan ang pagdumot,molampos ang mga terorista pagsabwag sa terorismo.
Namahayag si Masorong nga duyog sa publiko angay dungan batukan ang kalihukan ang terorismo nga dakong bahad sa seguridad sa mga inosenteng sibilyan sama sa natigayon sa suicide bombings sa Our Lady of Mt Carmel Cathedral sa Jolo,Sulu.
Dugtong niini,ipalig-on ang paghiusa sa tuyo nga dili maigo sa bahad sa terror attack ang bisan asa nga syudad sulod sa Northern Mindanao.
Gihimo ni Regional Peace and Order Council o RPOC chairman City Mayor Oscar Moreno ang komento tungod sa findings sa PNP nga suicide bombings ang tuyo sa pagbomba sa Our Lady of Mt Carmel Cathedral sa Jolo,Sulu sa naglabay’ng Domingo.
Miingon si Moreno nga dili angay pasagdan ang mga otoridad sa publiko kay bug-at nga obligasyon ang kahusay ug kalinaw sa rehiyon.
Gipatambong ni Moreno si City administrator Teodoro Sabugaa Jr sa interfaith prayer rally isip kusganong pagsuporta sa pagkab-ot sa kalinaw sa Mindanao.
Samtang gipangayo usab sa katawhan sa Misamis Oriental sa kahitas-an nga unta giyahan ang mga otoridad ug local govt officials sa paghatag proteksyon sa mga sibilyan kontra mga sabotahe sa seguridad.
Kini usab ang gilitok nga pag-ampo ni Gov Bambi Emano nga pag-ampo samtang gipabasa sa iyang representante nga si Caroline Neri ang iyang mensahe sa interfaith prayer rally nga gipasiugdahan sa lain-laing sektor sa syudad.
Miingon si Emano nga unta dili magkabahin-bahin ang katawhan ilabina nga nagsunod-sunod ang pagsulay nga giatubang sa katawhan sa Mindanao ning tuiga.
