CAGAYAN DE ORO CITY – Giklaro ni City Mayor Klarex Uy nga wala pa hingpit wad-a sa listahan sa payroll sa city hall ang job orders ug casuals nga hayan maapektuhan sa dili na pag-renew sa ilang mga trabaho sukad Hunyo 30 ning tuiga.
Kini tungod kay nagpadayon ang ebalwasyon sa ilang mga papeles diin siya ang mangunay sa pagsusi niini kung angay lugwayan o dili na ang serbisyo sa libuang mga trabahante.
Miingon si Klarex nga gihatagan na niya sa igong panahon ang maong mga trabahante apan pugsanon gihapon sila gi-rekomendar sa mga ulo sa departamento niini nga magpabilin sa trabaho ug dili mabalhin sa laing mga opisina.
Dumduman nga daan nang nanganti si Klarex nga wala na’y higayon mahataga’g renewal ang daghang JOs ug casuals nga pakyas ang pagtunol sa kalidad sa trabaho alang sa katawhan sa dakbayan.
