CAGAYAN DE ORO CITY – Nakasaway si kanhi City Mayor Oscar Moreno sa daw pag-angkon ni incumbent City Mayor Rolando ‘Klarex’ Uy sa housing project nga nahimutang sa Sitio Pamalihi,Brgy Pagatpat ning syudad.
Kini human subhi ang maong proyektong-pabahay apan gitawag nga Klarexville 1 gikan sa orihinal nga pangalan niini nga Pagapat Valley Residences nga dugay na usab nasubhan.
Namahayag ang kanhi mayor nga ang gihimo sa grupo ni Klarex ang dayag nga dawat limpyo sa hinaguan sa kanhi administrasyon.
Samtang gi-depensa sa panig ni Uy kon nganong gitawag nga Klarex Ville 1 ang housing project nga nasubhan sa Brgy Pagatpat ning syudad.
Miingon si Shiela Lumbatan,chief of staff ni Mayor Klarex nga pagbuot sa katawhan ang maong pangalan ug dili kabubut-on sa administrasyon.
Namahayag usab kini nga ang pagbaton sa bag-ong pangalan ang paagi sa pagpasalamat sa katawhan nga mahimong benepesaryo sa maong proyekto.
