CAGAYAN DE ORO CITY – Gusto sa panig sa minoriya sa konseho pinanguluhan ni Kag Ian Achas nga masusi’g maayo sa plenaryo ang pagpatuman sa Local Public Route Plan o LPRP sa syudad.
Kini alayon sa gitakdang paglusad na niini sa Setyembre 1 ning tuiga.
Namahayag si Achas nga angayang matuki kini’g maayo kon dili ba mapihig niini ang informal transport groups ug motorela operators nga hayan masapawan sa modernized jeep units sa mga interyor nga rota.
Siya miingon nga maoy angay likayan nga magkagubot ang mga pasahero kay nangapapag na ug mga public utility unit nga mohimo’g pagpamasada nga moagi sa mga dalan nga sulod sa LPRP.
Hinoon,gilayong gipasalig usab ni committee on public utilities chairman Kag. Romeo Calizo nga miagi sa daghang pag-rebyo ang LPRP ayha kini hatagan sa katumanan.
