CAGAYAN DE ORO CITY-Nagdumili pagkompirmar ang Divisoria Police Station kon tinood ang report nga negatibo sa drug test ang empleyado sa city hall nga nasapon naggamit sa gitoohang shabu diha sa Brgy 15 ning syudad.
Kini human unang nakadawat ang Bombo Radyo sa taho nga negatibo sa drug test si Janus Mark Leyson,33 anyos bisan gisulti sa kapolisan nga akto nasapon naggamit sa shabu sa maong lugar.
Gibutyag ni C/Insp Julius Clark Macariola,hepe sa Divisoria Police Station nga gihulat nila ang progress report ayha sila mohatag komento niini.
Si Leyson nga unang gitumbok ni Macariola nga liason officer sa buhatan ni City Mayor Oscar Moreno ang dungan nasikop ni dismissed police officer Ricardo Gallardo Jr sa syudad sa miaging semana.
