CAGAYAN DE ORO CITY-Nagtoo si City Mayor Oscar Moreno nga ‘special edition’ ang pagreport ni Pres Rodrigo Duterte sa iyang ikatulo nga State of the Nation Address o SONA sa kauluhan.
Kini tungod kay mahataga’g bug-at nga pagtagad ang pagkahimong balaod sa Bangsamoro Organic Law o mas naila nga Bangsamoro Basic Law.
Miingon si Moreno nga hayan mo-sentro usab ang iyang SONA sa kahimtang sa ekonomiya ug relasyon sa Pilipinas sa ubang kanasuran.
Nagdumili si Moreno nga mohatag grado sa performance ni Duterte apan gipasabot niini nga kanunay kini nagsuporta sa iyang mga programa.
Samtang dili pa angay magsadya ang katawhan bisan pasado ug duol nang mahimong hingpit nga balaod ang Bangsamoro Organic Law o BBL alang sa Mindanao.
Kini tungod kay ma-kuwestiyon pa sa pipila ka grupo ang legalidad sa BBL sa korte suprema.
Miingon si Moreno nga dili pa garantiya sa kalinaw ang BBL kay daghan pa ang mga pagsulay nga agian niini
.Hinoon,nalipay si Moreno nga pirmahan na ni Pres Rodrigo Duterte ang pagkabalaod sa BBL ning adlawa.
