CAGAYAN DE ORO CITY-Dili pugngan ni City Mayor Oscar Moreno ang militanteng mga grupo paglusad sa anti-SONA ni Pres Rodrigo Duterte sa syudad ning adlawa.
Miingon si Moreno nga katungod sa katawhan ang pagpayag sa ilang reklamo sa gobierno subay sa gitugod sa balaod.
Gipasidan-an lamang sa mayor ang mga raliyesta nga sundon ang gitugot kanila sa balaod nga nalatid sa permiso nga gihatag kanila sa syudad.
Samtang i-imposar sa PNP-10 ang ‘maximum tolerance’ samtang bantayan nila ang mga raliyesta nga mohimo’g lihok-protesta batok sa State of the Nation Address o SONA ni Duterte.
Kini subay sa mando ni PNP regional director C/Supt Timoteo Pacleb nga mangunay usab sa pag-monitor sa tropa nga gikatag sa lima ka probinsya sa rehiyon.
Miingon si PNP regional spokesperson Supt Surki Serenias nga sundon nila ang mando ni Regional Peace and Order Council chairman Moreno nga igo lamang hataga’g seguridad ang publiko samtang dunay anti-SONA rally ang mga militante sa syudad.
Samtang ipakatag ang joint military ug police checkpoints sa nagkadaiyang bahin sa syudad ning adlawa.
Kini kabahin sa hugot nga seguridad nga gipatuman sa kapolisan ug militar alayon sa SONA ni Duterte.
Gibutyag ni Task Force Oro commander Maj Ashnaley Pumbaya nga target usab nila masanta ang mga mosakay sa panahon ilabina ang nagsabwag sa kalihukang terorismo sa Mindanao.
