CAGAYAN DE ORO CITY – Gikasuhan ni kanhi Taglimao Brgy Kap William Guillani sa usurpation of authority si City Mayor Oscar Moreno ug derelection of duty Cit Vice Mayor Rainer Joaquin ‘Kikang’ Uy sa buhatan sa DILG.
Kini human namugos si Guillani nga si Uy na ang bag-ong mayor hulip kang Moreno tungod sa nasilbi nga dismissal order sa Ombudsman sa kasong kurapsyon sa miaging Pebrero ning tuiga.
Namugos si Guillani nga dili temporary restraining order ang nalugwa sa Court of Appeals-Mindanao hinungdan alang kaniya si Uy ug dili si Moreno na ang bag-ong mayor sa syudad.
Samtang namugos ug giklaro sa kampo ni City Mayor Oscar Moreno nga napaubos na sa consolidation ang mga kaso nga giatubang niini sa Ombudsman ug napugngan sa temporary restraining order ug writ of preliminary injunction gikan sa Court of Appeals.
Miingon ang abogado ni Moreno nga si Atty Dale Brian Mordeno nga napugngan na sa maong mando ang order sa DILG gikan sa Ombudsman.
Kini ang hinungdan nga nagtoo si Mordeno nga walay rason nga monaug sa puwesto si Moreno isip mayor sa syudad.
