CAGAYAN DE ORO CITY-Mag-sentro sa basic social services ug imprasktura ang gahinan sa P5.8 bilyon nga 2018 proposed city budget alang sa syudad.
Kini ang pag-depensa ni City Mayor Oscar Moreno kon nganong ingon ani kadako ang gipangayo niya’ng budget sa konseho sa dakbayan.
Miingon si Moreno nga mas gamay ra gani kini nga pondo alang sa syudad itandi sa ubang highly urbanized cities dinhi sa nasud.
Namugos usab kini nga nagpakita lamang kini nga daghang programa gitakdang ipatuman alang sa katawhan sa syudad sunod tuig.
Kabahin sa 5.8 bilyon budget ang intelligence funds ni Moreno nga kantidad sa 123 milyon pesos.
