CAGAYAN DE ORO CITY-Gipahamtangan sa Ombudsman sa laing lima ka administratibo ug laing 9 ka
kasong kriminal si City Mayor Oscar Moreno.
Kini nunot gihapon sa pag-abang sa heavy equipment kaniadto ni Moreno nga wala moagi sa public bidding samtang nagsilbi pa nga gobernador sa lalawigan.
Nagbutyag ang kanhi complainant ug karon testigo na lamang sa Ombudsman nga si Engr Antonio Nunez nga
nagpasabot kini nga 27 na gikan sa 48 ka kaso ang napahamtang kang Moreno.
Gihimakak usab niini nga sinugo kini sa mga kontra sa politika ni Moreno hinungdan nga siya nagduso kaniadto’g kaso sa Ombudsman.
Samtang isubay sa due process ni Moreno ang tanang lakang niini aron hingpit malimpyohan ang iyang pagkatawo batok sa mga kaso gipasaka sa iyang mga kontra didto sa Ombudsman.
Kini ang tubag ni Mordeno sa pangutana kon dili ba nila sumbalika’g kaso ang Ombudsman tungod sa paglisod-lisod
kaniya.
Miingon si Mordeno nga dili ikaayo kang Moreno nga moduso’g reklamo samtang may mga kaso pa
kining atubangon sa Ombudsman.
