CAGAYAN DE ORO CITY-Kumpiyansa ang kampo ni City Mayor Oscar Moreno nga makalinggawas sila sa kasong kurapsyon nga giatubang sa Sandiganbayan.
Kini human na re-set sa korte ang pagbasa sa sumbong nga giduso sa Ombudsman batok kang Moreno ngadto sa Enero 9,2018 gikan sa Oktubre 26 ning tuiga.
Gibutyag sa abogado ni Moreno nga si Atty Dale Brian Mordeno nga nangayo sila’g dugang panahon sa Sandiganbayan samtang miduso’g motion to quash information batok sa kaso.
Nagsumikad ang maong kaso sa reklamo ni Puntod Brgy Kap Binky Beja diin gi-kuwestiyon niini si Moreno ug ang pipila ka city hall dept heads pagbayad sa 70-mil pesos sa renta sa boxing facility niadtong Setyembre 2013.
