CAGAYAN DE ORO CITY-Atubangon sa driver nga nakaligis patay sa usa ka 50 anyos govt employee ang kasong reckless imprudence resulting to homicide sa piskalya ning syudad.
Kini human nalatayan sa gimaneho nga truck ni Andrecito Panhay ang biktima nga nailang si Nestor Lomonggo, molopyo sa Capistrano St ug nagtrabaho isip meat inspector III sa City Vetirinary Office.
Gibutyag sa mga imbestigador gikan sa Agora Police Statio nga may mga testigo na sila gihuptan kabahin sa hitabo.
Una nang namugos si Panhay nga hinay lamang ang dagan sa gimaneho niini nga sakyanan.
Hisayrang subay usab sa pakisusi sa mga otoridad,nasuta nga may kasaypanan ang biktima sa pagmaneho sa iyang motorsiklo subay sa ‘skid mark’ nga nakita sa accident area sa CM Recto ning syudad sa miaging adlaw’ng Sabado.
