CAGAYAN DE ORO CITY – Gawasnon na ang magsisibya nga si Seigfred ‘Jigs’ Padua nga gisikop pinasikad sa warrant of arrest tungod sa kasong pagpangilkil ug cyber libel ning syudad.
Kini human naduso’g piyansa si Padua balor 30-mil pesos alang sa iyang temporaryong kagawasan.
Gisikop si Padua nga taga- Brgy Tablon sa PNP Anti-Cybercrime Unit sulod mismo sa hall of justice dihang gibiyaan kini sa iyang abogado kagahapong adlawa.
Gikasuhan sa principal nga si Reynaldo Cabillan sa Alubijid National Highschool tungod sa pagpakaulaw ug giingong pagpangilkil ngadto sa iyang mga magtutudlo.
Apan nanganti usab si Padua kinsa una nang nag-atubang sa susamang mga kaso ning syudad nga dili mohunong pagbulgar sa giingong mga kahiwian sulod sa Dept of Education ning rehiyon.
